Кӑрлач уйӑхӗн 28-мӗшӗнче Чӑваш Республикин Наци библиотекинче «Варкӑш» литература клубӗн кӑҫалхи пӗрремӗш ларӑвӗ иртрӗ.
Унта Дмитрий Моисеевӑн «Хуҫасӑр ҫуртри сехет сасси» кӑларӑмне пахаларӑмӑр. Вӑл Чӑваш кӗнеке издательствинче 2024 ҫул вӗҫӗнче тухнӑччӗ. Наци вулавӑшне Дмитрий Андреевича саламлама поэтсемпе прозаиксем, журналистсемпе библиотекарьсем, вулакансем пуҫтарӑнчӗҫ.