Ака уйӑхӗн 28-мӗшӗнче Чӑваш Республикин Наци библиотекинче ҫӗнӗ чӑваш ҫырулӑхне йӗркеленӗренпе 150 ҫул ҫитнине халалласа «Электронлӑ чӑваш ҫырулӑхӗ» ҫавра сӗтел иртӗ. Калаҫӑва сумлӑ ӑсчахсем, общество хастарӗсем, чӑваш чӗлхипе кӑсӑкланакансем хутшӑнӗҫ.
Тӗпчевҫӗсем чылай ыйту пӑхса тухма палӑртнӑ: тӑван чӗлхемӗр пуласлӑхӗ, чӑваш чӗлхине аталантарас тата халăхра сарас ӗҫри ҫӗнӗ технологисен пӗлтерӗшӗ, чӑвашла текстсене ҫапма май паракан сарӑмсем, программӑсем, чăвашла текста орфографи енчен тĕрĕслемелли хатĕрсем, электронлӑ сӑмахсар тата «Яндекс.Тӑлмачӑ» сервис тата ытти те.
Ҫавра сӗтел 14.00 сехетре (114 пӳлӗмре) пуҫланать.