Васьлей Митта

1908 - 1957

Чувашский поэт,
мастер художественного перевода

Çамрăк хресчене

Манра хал, вутлă хал,

Çамрăк юн çиçĕм пек!

Çапах эп пит кахал, -

Курăр, тĕпсĕр йĕмпех!..

Эп кахал, пит кахал, -

Вутлă юн ĕçре мар!..

Ман вăя пит сахал

Çитрĕ çамрăк тымар...

Çамрăксен куçкĕски

Пулăн, çамрăк хаçат!

Мана эс, куçкĕски -

Кахала сирччĕ чат!

Ырласам ман ĕçре,

Электрицă-хала!

Унтан тин эп вĕçсе

Илем кӳрĕп яла!

Хушрăм ак çил çунат, -

Халĕ эп кахал мар!

Ман сĕткен тин çунать... -

Эх, ĕмсем, чĕр тымар!!!

1927

Митта, Ваçлейĕ. «Çамрăк хресчене» / Митта Ваçлейĕ. Çырнисен пуххи. Икĕ томпа тухать. I том. Сăвăсемпе поэмăсем / Ваçлей Митта. - Шупашкар, 2004. - С. 66-67.