Юрий Семендер

1391 çулхи ўкерчĕк

Уксах сăвар уксахласа
Васкать тытăçăва.
Пĕр аллинче туя пулсан,
Теприйĕнче – çава.

– Уксах, ăçта ярăнтаран, –
Кулаççĕ çарăçсем.
– Тарма тивсен епле таран,
Çырлах, ан хирĕçсем...

– Çук, – çиллĕн тавăрать сăвар, –
Чараймăр халăма.
Каятăп эп тармашкăн мар,
Каяп хăвалама.

Каяп таса çапăçăва,
Элле илтместĕр–и:
Çивчĕшĕпе юрлать çава,
Вăл – çĕнтерў юрри.

Чăлах та суккăр хўтĕлет
Паян Пăлхар çĕрне.
Выç йытă вилĕмĕ тивет
Тутар–мăнкул йăхне.

Хама илсен, çапăçмалла
Ман Тимурпа анчах,
Мĕн–ма тесен, тытăçмалла
Уксахпала уксах!