Юрий Семендер: Художественные переводы. Çумăр. Градов П.

Художественные переводы

Градов П.

Саралса ĕнетчĕ шăрăхпа çаран,
Çĕр çуркаланатчĕ сывлăш пăчăран.

Ял çынни тухатчĕ шăварма хире,
Хăй куçне илместчĕ тăрă тÿперен...

Ӳпĕнтерчĕ Улăп хăйен çÿпçине –
Çумăр тăкса ячĕ типĕ çĕр çине.

Ливи, Танганьика пĕлĕчĕсене
Çил пуçтарнă тейĕн Атăл хĕррине.

Эй, çăвать те çумăр,
Эй, ташлать, ĕçлет,
Пурнăçласшăн çуннăн хăйĕн тивĕçне.

Салтаксем, мансассăн тылри кун шутне,
Çавăн пек кĕреççĕ çапăçу вутне.

Çапăç, çумăр, çапăç,
шăрăха тустар,
Этеме кÿретĕн эсĕ пархатар.

Юрий Семенов куçарнă

Градов, П. Çумăр : [сăвă] / Петр Градов.; Юрий Семенов куçарнă // Тăван Атăл. – 1973. - № 7. – С. 10.