Çывăр, хаклă тусăм,
Тутлă ыйăхпа.
Çивĕч пăшалу сан
Халь çÿрет манпа.

Эс юратнă хурăн,
Эс савнă пилеш
Мана çĕнĕ юрă
Юрлама пиллеç.

Сан чĕрÿн хăвачĕ,
Сан чĕрÿнти юн
Çĕн вăй-хăват пачĕ
Эс пуç хунă кун.

Иккĕн пĕрле уçнă
Сăвăсен садне
Тутлă çимĕçсем эп
Хушăп кулленех.

Сан чапна эп çĕклĕп
Иксĕлми вăйпа.
Çывăр, тусăм, канлĕн
Тутлă ыйăхпа.

Ястран, М. Вилнĕ тусăма : [сăвă] / Максим Ястран // Паттăрлăх кунĕсем. – Шупашкар, 1995. – С. 24.

• Аттай (Терентьев) Марк Сергеевич
  
• Бараев–Серкке Владимир Васильевич
  
• Васькин (Никитин) Василий Никитич
  
• Викторов Иван Викторович
  
• Данилов–Чалдун Максим Николаевич
  
• Думилин Илья Петрович
  
• Еллиев Eфрем Васильевич
  
• Кольцов Кестюк (Кольцов Константин Михайлович)
  
• Ктра Мишши (Кудрявцев–Ильин Михаил Ильич)
  
• Орлов Арсен Петрович
  
• Петтоки (Петухов) Андрей Трофимович
  
• Пиктемир (Никитин) Николай Никитич
  
• Ситта Хведер (Ситов Федот Александрович)
  
• Чурбай (Колюшкин) Николай Иванович
  
• Ястран (Григорьев) Максим Григорьевич