Эп пултăм таçти çĕршывра та,
Мĕнле халăха эп курман?
Çуралнă çĕршывăм, нихçан та
Каймарăн эс ман асăмран.
Ниçта та нихçан та манаймăн:
Пĕрре кăна эсĕ, пĕрре –
Аннеçĕм-çĕршывăмçăм манăн,
Чи хаклă çĕршыв тĕнчере.
Мухтав сана, ирĕк çĕршывăм!
Сана тав тăватпăр чунтан;
Ӳстертĕн эс паттăррăн; сыввăн
Пире юратса ачаран.
Мăнаçлă та эсĕ, илемлĕ, "
Хăватлăн ÿссе ешерен;
Сана ирĕк пурнăç хĕвелĕ
Савса ăшăтать кунсерен.
Эп пултăм таçти çĕршывра та,
Каймарăн эс мая асăмран.
Сан пек çĕршыва нихăçан та
Ниçта та эп урăх курман.
Артемьев, А. Çуралнă çĕршыв : [сăвă] / Александр Артемьев // Паттăрлăх кунĕсем. – Шупашкар, 1995. – С. 72.
